Chin Youth Association
CYA Dinthawk Dan.
Chin Youth Association hi 12, Meisen, ( Junuary ) 2007 ah Chin Mino phun 9-10 zirlai, Kum 15-16 rual minung 80 in Lairawn, Tahan N0, ( 2 ) B. E. H. School ah an rak din thawk. Kanmah le thiam zawng, kanmah le tithei zawng, mah le Talen kan comi, kanmah le dinhmun cio in kan Chinram le kan miphun thansonak dingah, kutkaiaw in kan tuan tlang ding, timi thinlung nei in an rak thawk. Chin Youth Association hi 12, Meisen, ( Junuary ) 2007 ih an rak din thawk lai ah, Chin Christian Combine tin an rak hmang. 10, Apr, 2008 ah CCYC thuthang ca tin veikhat an rak suah. Bialthen hruaitu khal an rak ret vivo. 20, March, 2011 ah Chin Christian Youth Combine ( CCYC ) ti nawn lo in, Chin Youth Association ( CYA )tin an thleng. Chin Youth Association ih an Center cu Lairawn, Tahan a si.
Hi Chin Mino CYA cun rampi tundinsalnak ding le kan Chinram, mipi hruaitu si ding cun zirnak na sa zetin kan neih a ttul ti a hmufiang ruangah na sa zetin fimthiamnak lamah a zuam sinsin. 2008-2009 lam cun College le Bible tlawngkai an rung tam hnuaihni. Mi dang cu ram dang feh khal an um. Nu le pa kutsungih um, mahte thei nei in an um hrih lo ruangah le sumpai lam harsatnak an neih ruangah duhvekin an cangvai thei lo. Curuangah an cangveihnak le an pawlkom hmin khal mipi thei ding in an langter duh lo.
Chin Youth Association An Dinnak San.
( 1 ) Chin mino 80 cun Chin Country cu ngeihsaktu nei lo. Mithi zik vekin a hmu.
( 2 ) Chin mipi cu hruaitu ( Khaltu ) nei lo in a hmu.
( 3 ) Chin mipipawl in an nunphung, pipu anka, an ttawng an thlauthla vivo in a hmu.
( 4 ) Chin Calai sawmso a ttul zia a hmu.
Hipawl hi Chin Mino thinlung sungah tuhlut in kilhim a ttul zia a hmufiang ruangah Chin miphun hruaitu , Chin Country nungter in, Chin cozah din suah a tum.
Chin Youth Association
Cak le raltha in um aw.
Josuah 1 ; 6 – 9
Tusun ih Mino cu Thaisunah Hruaitu a si Ding.
( 1 ) Ram le miphun thansonak.
( 2 ) Khawtlang nun kilkhawi.
( 3 ) Ram le miphun hrangah mino hman suah.
( 4 ) Dikzetih lairel.
( 5 ) Nuncanmawi Zirhawk.
( 6 ) Calai le nungphung kilkhawi.
( 7 ) Hruaitu tha sersuah.
( 8 ) Nuhmei, farah zawnzai ttawiawm.
( 9 ) Music ih miphunthasonak.
Tumtahmi tampi lak ihsin fumkhawmtu thuken. Mah le thiam zawng, Mah le Talen comi ihsin Ram le Miphun thansonak ding tuan khawm a si.
