U Khin Ngyut, Min Ko Naing Le U Khun Tthun U Tepawl Thawnginn In Suak

Khin Ngyut, Min Ko Naing le U Khun Tthun U Thawnginn In Suak
Tayet thawnginn ih thlak a simi 88 tlawngta hotu Min Ko Naing khal tuizing 10:00am ah suah a si. Shian miphun hrang ih Democracy ngahnak ding ih an hotu U Khun Tthun U khal  Taung-Ngu thawnginn ihsin suah a si.

NLD In An Party Aiawh In Lailak Hrilawknak Ih Teltu Ding Pawl Hmin Cazin Phosuak

Kawlram in April thla, 1 ih lailak hrilawknak a neih ding mi ah NLD cun  January 12, tlawngkaini-lini ah an part aiawh ih teltu ding pawl hmin cazin an pholang.

Kawlram Acozah In Thawngtla 651 Suahzalen Leh Ding

Kawlram president U Thei Sein cun hluat-ngein-chianta-khuan (amnesty) a phuan mi ‘thuthawn pehparaw in Kawlram thawninn ihsin tu’i ni January 13, tlwngkini nga ih  thawntla 651 an suahzalen dingmi ah ramthukhel ruangih thawngtla tamzet an tel a zumum thu NLD le 88 generation tlawngta pawl cun an zum tiah thuthangca in a tarlang.

Bill Gates Kawlram Ah Feh Ve Ding

Microsoft Corp. chairman Bill Gates cu Kawlram ah Febuary thla sung ih feh tum thu Kawlram thuneitu pawl cun thuthanglatu pawl hnenah January 11, tlawngkaini thum ah an sim.

U.S : Pursumleilawnnak Lam Ih Milangsar Pawl Kawlram Ah Feh Ding

Kawlram ih pursumleilawnnak lam a thansoh theinak ding hrangih bawmnak pe ding ah le hlawnak an tel ve thei beiseinak thawn U.S pursumleilawnak lam ih milangsar pawl cun Kawlram thuneitu le Kawrlam ih pursumleilawnnak lam thuneitu pawl thawn thu relkhawmnak nei ding in Kawlram ah a rei hlan ih feh an tum thu Kawlram pursumleilawnnak lam ih thuneitu le Myanmar Federation of Chambers of Commerce and Industries (MFCCI) member pakhat cun thuthanglatu pawl an sim thei.

2010 Ih Parliament Thuneitu Thenkhat NLD Ah Lut Tum

Kum 2010 parliament reorelnak ih Lah-Ta Township aiawhtu U Ci Myint le Yangon aiawh ih upper house ah hna tuan rerotu Dr. Myat Nga Nah Soo te’i pahnih cun NLD party ih telve an duh ruangah lutdilnak ca an thehlut zo a si.

Messi Futbol Lekthiambik Sinak Ngah Lala

Argentina rampi hrang leh Barcelona Futbol club hrangih hmaitlan Lionel Messi kum 24 mi te cun Leitlun ih futbol lekthiambik lawmman tuikum hrangih World Player of the Year a ngah sal. Hi lawmman hi tuikum a ngahnak in kum thum a zawnzawn in a ngah thlang.

KIA Le Kawlram Cozah Kap Aw Sal!

Irrawaddy | January 9
Kawlram coah ralkap pawl cun Kachin state, Moo-Hmauh Township ih Kachin Independence Army (KIA) Brigade no.4 pawl umnak hmunpi cu January 4, thlawngkaini-thum ni ah ralthuam thawn an kah ruangah KIA pawl cun an umnak hmunpi an suahsan phah a si.

America Diplomat 2 Kawlram Ah Feh Ding!

Myanmar News.Net, VOA | January 9

Congressman Joe Crowley

U.S diplomat(tan-ta-man) Congressman Joe Crowley le U.S le Kawlram lak ah a bikih an ruatmi Derek Mitchell cu tu’i zarh sung ah Kawlram cozah thuneitu pawl thawn ram thu le hla relkhawm ding in le Kawlram in zalennak lamhawi ih thansohnak a phunphun a neihmi pawl tuah vivo ding in fawrhfialnak pe ding in Kawlram ah an feh ding thu Kawlram thuthangca in a tarlang.