Messi Futbol Lekthiambik Sinak Ngah Lala

Argentina rampi hrang leh Barcelona Futbol club hrangih hmaitlan Lionel Messi kum 24 mi te cun Leitlun ih futbol lekthiambik lawmman tuikum hrangih World Player of the Year a ngah sal. Hi lawmman hi tuikum a ngahnak in kum thum a zawnzawn in a ngah thlang.

2011 FIFA Ballon D’Or hrilnak FIFA hruaitu pawl ih an neihnakah Messi hin vote 47.88 ngahin pakhatnak a ngah ih Real Madrid FC club leh Portuguese ram hrangih hmainawr Cristiano Ronaldo in pahnihnak leh Xavi in pathumnak pawl an ngah.
FIFA Ballon D’Or lawman a zawn ih veithum rori a ngah theitu cu Messi leh Michel Platini an siih Platini hin 1980 kum ah a rak ngah ve. FIFA Ballon d’Or lawman hi 1956 kum ihsin rak pek thok mi a si.
LIONEL MESSI
Kum    : 24
Club: Barcelona
Tlannak : Hmainawr
Lekzat : 297
Goal thunzat   : 211
Ram : Argentina
Lekzat : 66
Goal thunzat   :19
FIFA BALLON lawm man kum : 2009, 2010, 2011
2011 FIFA-FIFPro World XI
2011 FIFA-FIFPro World XI khal futbal lektu mi 50,000 lenglo in mee peknak an neiih a hnuailam vekin hril an si:- Iker Casillas (Real Madrid) – Daniel Alves, Gerard Pique (both FC Barcelona), Nemaja Vidic (Manchester United), Sergio Ramos (Real Madrid) – Andres Iniesta, Xavi, Lionel Messi (FC Barcelona), Xabi Alonso (Real Madrid) – Cristiano Ronaldo (Real Madrid), Wayne Rooney (Manchester United)