THUFIMSalai Mazawn
- Dinhmun tha ih na um theinak dingah tumruhmi si aw la, na tumtahmi le na tuahmi ah fek zetin tuah aw.
- Duhdawtnak tel lo ih thudik duh cu mai thu duh.
- Fate nun sim ( zirh ) na duh le an thinlung ( mizia ) kai ngah hmaisa aw.
- Fimnak hi minungpawl hrangah ralvennak ralphaw tha bik a si.
- Fimnak hi Cung Nung Bik Lalpai pekmi a si ih, kan hmuhmi le kan theinak ihsin fimnak kan zir thei.
- Khua le ram hrangah mino a thupit vekin, mino hrangah fimthiamnak a thu pi.
- Khawlkulhpi khi cim theu khalsehla na thinlungih na tumtahmi cu hninter aw hlah.
- Lungawi lonak pahnih khat men ruangah na rualpi tha va hua pang hlah. Sungkhat hloh tluk in rualpi tha hloh cu sunnak a si.
- Mi hrangah a tha ti na thei cingih na tuahsak duh lo a si le na camsiat thawn a bang aw.
- Mi mithmai zohthiam hi thlawsuah pakhat a si.
- Na zirmi kha sullam nei lo mi bang in um ter hlah, pakhat pakhat tuahsuak tum aw.
- Na tha a nau laican ah na dinhmun zoh sal aw. Pathian thlawsuah na dawn zat siar sal aw, lungawinak in na khat ding.
- Na duhnak ai in diknak kha lalter sawn aw.
- Na hmin thi thei nawn lo na duh le Pathian le ram hrangah thinsen suak tiang in hnatuan aw.
- Na thlennak hmunkip ah rualpi tha rinum nei vivo aw la, na tulsam can ah a lo bawmtu tha nai bik a si ding.
- Ram hrangih hnatuantu cun ram hrang thatnak tuah seh.
- Rimhmui le ceiawknak tha le mangkhung zetzet na ceiawk ai in ziaza tha le pathian thuih na ceiawk ah duh na nung deuh.
- Ram le miphun, Kawhhran cawisangtu si ding cun na duhdawt hmaisa rori a tul.
- Tikcu le tiluang cun kirzai rel nawn lo hmanseh, na thuanthu cu a thawk ihsin a cem tiang an lo thlun ringring ti kha hngil hlah.
- Thil harsa ti na thei cing ih na tuahsuak theimi khi mi , mi hlawhtling pakhat na si.
- Tikcu um lai ih lehhnuah na ti asile lehhnu in tikcu a nein awn lo ding.
