BIAZAI

Nu Nu & Pa Pa 

Lairawn Sokhlei Mai Thiante  

Kan fimthiamnak ruat ih mai pacang t'ha lakih,

Duhthusam ih thu nuam rel man lo ih,

Zonzainak a tuartu papa,

A  hrinhniang le a tui canah kan runinn pi panin,

Kan sungza kimnak kan sumtualrawnah,

Tlunzai kan rel na lehhnuah,

Na rauthlain nang runglang aw..

Kan va a vai na lehhnuah a t'hing riapri kan sumtual rawn,

Kan Lo ngai tuk na hrinhniang ten,

A Lo hai tuk hring tu Nu nun,

In zoh hrinhniang kan kim ni;

Nu Nu na fimthiamnak kan hrang ro tha bik.

Kan thiam Lo mi ca ti'n in zirh,

Kan ei duh mi tirawl suangin,

Kan kaa sungtiang in fahtu Nu Nu,,

A tui canah na thlathuai ah beu kan cak tuk.

Cung PaThian zarah na san sau seh tin thlaza kan cam.

Zanmang tiangin na hrinhniang  ten;

 Kan ngairuahro  na awkam thlum,

Kan neih sun mi Nu Nu...

Rawl ei Lo ih nan thlacam nak,

A rah tla cu kan run co zo nan hrinhniang  tlan;

Duhthusam bang a kim hlan sung,

In rakhngak aw kan run Inn pin...

Kan neihsun mi kan lei Lal Nu Nu..

Kan sungzaih kan ngaizet mi Pa Pa ih;

 Hnuah tawnawk sal can a um mai  ding Pathian zarah..

Sungkimte ih tawnsal ngaitu na hrinhniangte.

 

@@@@@@@@@@@@@@@@@@@@@@@@@@@@@@@@@ 

 

TLANSAN SIANG HLAH EE … CHINLAND

Salai Mazawn

Suahsempi u le nau Thian le rual tluangzadan ih a ummi Salai Kei in lo ngainak thurel ning thei hlah e,, Chinland ka nu khal nang ngaiin Lungkuai in au ruangmang ee,,,

Duhdawtmi nang tel lo in Chinland um thei hlah e.. Na sulhnu ruat in lileng, mitthli thawn Hnemtu nei lo ram thingpi ah Nangmah ngaiin Chinland uai hnianghni ko ning.

Ninu le thlapa in thei hramseh. Ramdangmi sal ah cang in Miphun dangpawlih Chinland fahniang an dekcawknak cu Maw,,, khawzingnu in theihsak hram aw.

Pipupawl sulphumnak Semnak Lailungrawn In rohtami kan Nunphung le Calai Chinland fahniang Salai Kei in hloral siang hlah e,, Tlanghra thu le ngaiawknak men in Kan caan tha, sunmang menah maw,,, an cang A,,,, Cui,,, Ka,,, Thin.

+++++++++++++++++++++++++++++++++++++ 

  Duhmi Hnenah   Salai C. Lian Mipi ansuak Chinram nuam, Chinram dai Ziamtheh hai maw! Kawl uknak ah, Zodai ngawdai bangin, Ramnuan ramthiang ka dawt ah e.. Harsa hmuhsuam tuar in vak e, Pipu anka hreungen cawnniam, Sabang ruun mawiter duh bang in, Chinram kan ruun bang, Bawitial sinak mawiter ka nuam, Lairam ah e khuatial le limtial bang rak um hlau, Na tufapawl ram kan la lai, Lairam khuapi tla thing sensun len rak um hlau, Na turualpawl Chinram hrang ah, Kawkuai anka,a phunphun in, Na thangsonak ding ah ram kan la e.. Pami khukhri rual in ka hmin soi hlau’law, Nun nem lungthin a hnin pang ding. Pualva lungthin pu in rakum ko aw ka duat, Nikhat kan ram that ah kan lengtlang ding Boihte @@@@@@@@@@@@@@@@@@@@@@@@@@@@@@@@@@@@@@  

UAI HRIH KO NING

Salai Mazawn

A hlatnak hmunih a uai hnianghnimi Ka thinlung. Thimnak sungih a tlanglengmi Ka ruahnak. Mawlmangpi lawng ka si, Duhmi ngainak ah, Ninu bang suaksal sehla,  Nangthawn kan caan tha, Zilthlinem a hran tikah, Ka duhbikmi zaan thlapa hngak in, Khawfing cah tiang ka to, Tlanghra ah uai hrih ko ning, Duhmi,,,,,,,,,,Zuun.

*************************************************************************  

Ka Von Ngai E

Salai C. Lian

Cerlian hungsuak, lenrual thawn maw! Vah lo tlak in, biathu kan hlan, Kan khek kan rak, kan nuam hai maw Zodang ngai lo, kan Lairamah Ka Nu Lai hnam, kawhhol, busul, Tanthe, khasuan, thakphen von rawi Ei lai ka ngai kan lairam ah Lei Nu lei Pa ha nei lo thawn, mitthlam rong cuang An von bar lai, Kei sunghnofa ziang thei lawn maw, Ka ning vai nim, ka ning lai rawl, Ka von soi theu, ziang thei lo in Hi bang tuktuk, kan phu lo e, kan san lai ah Ka Nui aanka, mi vannei san sunghnosan ah Atu ahcun ka von ngai e, ka nui lai rawl Ka vonngai e, tlaklo kai lai, Ka von ngai e, ka nui hnam rawl A tuah cun thuanthu ah maw!!

++++++++++++++++++++++++++++++++++++++++++++++++++++++++++++++  

Vanmi In Cuan Cio Hai Sum Tualrawn Ah

Salai Mazawn

Ho tleu lu thawi a thainu si an to ah zawn luai mai hai thlang hnun vanmi in cuan cio hai sum tualrawn ah e…

A thainu thawi ho tleu lu cung le an cuan ah leng suan thiam meithal vun kau aw len e…

A thainu le hrin hngiang hman vun tangkham lawn khua deirel Ar hmai sakhuan khel in khuai vom sa na lung thang ngai e…

Van na pa hawimi tla cu run an hlum hngak na leng hnenah hrang kal kham na rung than ni ah cun an lung ngawl hai val phunkim e…

Ling bang hning haikhua hra van hnuai in hrang tin thang ni khan lawn ngol bu hre, ho vang tha tlua tlang kim nau bang awi cim e…

@@@@@@@@@@@@@@@@@@@@@@@@@@@@@@@@@@

Phaileng Hla

Salai Mazawn

Bia thu kan rel kei run ngai thul in,

Kan umnak tlanghra dang a si aw,

Anka bia ti um nawn lo.

Zan khua semah hringhniang a tlung hrih lo ti,

A nu le in an hlam theu,

Lenpite thawn nan tlannak ttumhmun dah maw?

Lungrawn khua dildel,

A nu suan rawl hman ei lo in,

Vaibawi catial an zir lai duhah,

Kal maw siang miring hnenah,

Nan runinn kai khal run zuam nawn hlang,

Atu ah cun na anka te thing maw,

Nan run thang khengkung,

Ziang thei lawn rak to in,

Sahnam runinn ah,

Ka ngai aw ti thu anka ka hal thiam lo,

Cu vaibawi catial an ngan rang cungah,

Tawnter she law kan anka.

++++++++++++++++++++++++++++++++++++++++++++++++++++++++++++++ SENTECAI

Salai C. Lian

Khawri bang le nim thlakau bang ka lungthinah cam ririaitu, Khawhra tlanghra tifin riat kaan,  Danglam thei lo na dawtnak bia,  Kan con thutiam luangpi hrangih;  Calai tial ka cawm can ah hin,  Lungdang herin tangdang na lor,  Hmanseh na herh zuun khung a hmun tho,  Pipu zuamnak sabang ruun hrang;  Hreungen cawn niam mawiter duhbang;  Kan hrihnianghrang lung tum ruh ih ka tan khuarnak na pelh ter maw ?  Aw......Lung ka duh hngilh hi um lo;  Ka lungdawt aan zingpul ah ziam Aw.. Ka nui lairel fe le hi aw,  Theithiam hlang e kei lungkuai pa'n,  Mai.....a dongnak bik ah thu bia;  Lo cah ta lang lungdi riam in;  Kan  cawi hrinhniang tal par khat tlan;  Sempawk cawi in rung um hai seh...